Varðandi beina tilvísun á sjúklingum í speglun („open access“)

1) Sjúklingum er hægt að visa beint í speglun með

1. a) Rafrænni beiðni í Sögukerfinu á Meltingarsetrið sem viðtakanda.
2. b) Skriflegri tilvísun á Meltingarsetrið, Bíldshöfa 9, 110 Reykjavík.
3. c) Tölvupósti á netfangið: meltingarsetrid@meltingarsetrid.is

2) Geta þarf þess í beiðni hvort sjúklingur sé á blóðþynnandi eða blóðflöguhemjandi lyfjum og hver ábendingin er (t.d. v/ lungnablóðreks júní 2016). Almennt þarf ekki að stöðva hjartamagnýl fyrir speglanir (æskilegt ef um fyrsta stigs forvörn að ræða) en önnur lyf í þessum lyfjaflokkum eru oftast stöðvuð ef mögulegt er. Fragmin er gefið í völdum tilfellum.

3) Æskilegt að fjölveikir sjúklingar og mjög aldraðir (yfir 80 ára aldur) komi í viðtal til meltingarlæknis áður en ristilspeglun er ákveðin. Magaspeglun má panta án undangengins viðtals í þessum aldurshópi.

4) Sjúklingar sem eru yngri en 18 ára ættu einnig að koma til meltingarlæknis í viðtal áður en speglun er bókuð. Ef sjúklingur er yngri en 16 ára ætti að visa honum til mats hjá barnalækni/barnameltingarlækni. Vegna skorts á barnameltingarlæknum á Íslandi höfum við tekið að okkur aldurshópinn 16-17 ára ef tilvísun kemur frá öðrum læknum.

5) Speglunarsvar er að jafnaði sent samdægurs til tilvísandi læknis og afrit af vefjasvari fer einnig og berst yfirleitt innan viku frá speglun. Gert er ráð fyrir að tilvísandi læknir láti sjúkling vita af niðurstöðu vefjarannsóknar nema annað sé tekið fram í speglunarsvarinu. Ef um krabbamein eða annað alvarlegt vandmál er að ræða er meltingarlæknirinn tilbúinn að taka sjúklinginn að sér og koma honum í réttan farveg, til frekari uppvinnslu og meðferðar.

Öndunarpróf fyrir Helicobacter pylori.

 Meltingarsetrið (MS) býður upp á sem þjónusturannsókn prófið Helicobacter pylori Test INFAI
¹³C- urea breath test (UBT) (öndunarpróf) er hér nota til greiningar á H.pylori sýkingu. Framkvæmt í samvinnu við þýska fyrirtækið INFAI GmbH í Köln.

Sérstaða rannsóknarinnar:

Rannsóknin hefur fengið alþjóðlega viðurkenningu. Fyrst samþykkt af EU 1997. Nú samþykkt í öllum 15 löndum EU og mörgum öðrum löndum utan EU. Markaðsett í a.m.k. 36 löndum. Mest notaða ¹³C-UBT í heiminum í dag.

Auðveld notkun:

Einföld rannsókn, notendavæn og mjög áreiðanleg.

Án inngrips (non invasive):

¹³C-urea er þegar fyrir í líkama okkar þannig að það er ekkert sem sem segir okkur að prófið hafi hugsanlega aukaverkun í för með sér. Það má gera prófið á meðgöngu og hjá konum sem hafa barn á brjósti.

Engin frábending:

Það er engin frábending gegn Helicobacter Test INFAI

Mjög áreiðanlegt kontrol próf eftir H.pylori meðferð:

Prófið er hannað til notkunar bæði fyrir og eftir H.meðferð.
Sannreyna má hvort H.meðferðin hefur heppnast eða ekki, strax fjórum vikum eftir að meðferð lýkur.

Mjög næmt og sérstækt próf:

Mikill áreiðanleiki (efficacy) prófsins til að greina virka H.pylori sýkingu, sem gerir það að gull standard. Næmið (sensitivity) er 97.8% og sértækni (specificity) 98.5%.

Hagkvæmni (cost effective):

Í sumum tilfellum gerir rannsóknin speglun óþarfa.

Það sem þarf að koma frá í beiðni fyrir öndunarpróf fyrir Helicobacter pylori

Nafn, kennitala og sími sjúklings.

Ástæða beiðni

Sjúkrasaga:   Meltuónot(dyspepsia),  fyrri saga um sárasjúkdóm, GERD, upplýsingar hvort sjúklingur hefur áður farið í magaspeglun, lyfjasaga þar með talið upplýsingar um magasýruhemjandi lyf og sýklalyf,  fyrri H.pylori meðferð.

Framkvæmd Helicobacter Test INFAI á MS:

Sjúklingur fastar x 6 klst

Engin sýklalyf x 4 vikur

Ekki  PPI x 2 vikur.

Hjúkrunarfræðingur eða sjúkraliði kallar sjúkling inn, bókar tíma og skráir niðurstöðu rannsóknarinnar.
Niðurstaðan er síðan send tilvísandi lækni rafrænt.